باترون التريكو المرسوم , قراءة وفهم باترون التريكو , شرح باترون التريكو بالصور

تعليم ، كتب ، الرياضة ، بكالوريا ، نتائج ، مسابقات ، أدب وشعر ، الهندسة الإلكترونية بكل أنواعها ، اللغات ، التعليم التقني والجامعي
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 باترون التريكو المرسوم , قراءة وفهم باترون التريكو , شرح باترون التريكو بالصور

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
AmEur LaBza

avatar

عدد المساهمات : 5325
نقاط : 15848
تاريخ التسجيل : 21/09/2014
العمر : 28

مُساهمةموضوع: باترون التريكو المرسوم , قراءة وفهم باترون التريكو , شرح باترون التريكو بالصور   الأحد 5 مارس - 23:01

وفهم , المرسوم , التريكو , بالصور , باترون , قراءة

باترون التريكو المرسوم , قراءة وفهم باترون التريكو , شرح باترون التريكو بالصور

باترون التريكو المرسوم , قراءة وفهم باترون التريكو , شرح باترون التريكو بالصور




حبيباتى الغاليات
السلام عليكم ورحمة الله وبركاته
كتير منكم حبيباتى سالوا عن شرح الباترون المرسوم
والحقيقة ان تعلم قراءة الباترون المرسوم ضرورة لاى واحدة فينا حابة تحترف التريكو وتبدع فيه
عشان معظم المجلات ده ان ما كانش كلها بتعتمد بشكل اساسى على الباترون المرسوم
وكتير جدا من بنشوف غرز جميلة جدا مش نقدرش ننفذها لاننا مش بنعرف نترجم الباترون المرسوم

والحقيقة انا فى رايى المتواضع باعتقد ان الباترون المرسوم اسهل كتير فى قراءته وترجمته من الباترون الكبير
لدرجة ان اى غرزة مكتوبة باحولها الى باترون مرسوم
وعندى دفتر للغرز باحط فيه كل الغرز بعد ما اترجمها الى رموز
وده له اكتر من ميزة
اولا: بيوفر وقت كبير ومساحة كبيرة وخصوصا لو الغرزة عدد سطورها كتير

ثانيا: وده الاهم انك تقدرى تترجمى اى غرزة وتطبقيها بغض النظر عن اللغة اللى هى مكتوبة بيها
يعنى مثلا انا ما باعرفش المانى ولا اسبانى خالص 
انا ثقافتى عربى 
هههههههههههه
ومعروف ان اشهر مجلات التريكو بتكون المانى زى "البوردا"، "فيرنا" وكمان فيه "ساندرا" وهى تقريبا اسبانى
يعنى المهم ان انا باقدر بانفذ منهم موديلات من الباترون المرسوم

ان شاء الله هاحاول فى الموضوع ده انى اشرحلكم ترجمة الرموز المختلفة للغرز

وهاحاول ان شاء الله انى اغطى كل الغرز او على الاثل اكثرها شيوعا

نبتدى على بركة الله

بصوا يا جماعة 
طبعا الرموز بتختلف من لغة للغة او دولة لدولة
يعنى لفترة طويلة جدا فى بداية تعلمى للتريكو
كانت الرموز ثابتة فى مجموعة كبيرة من المجلات لكن للاسف بعد كدة فى الكام سنة الاخيرة ابتدت كل مجلة تعمل رمز مختلف 
هنحاول بقدر الامكان نغطى الاشكال المختلفة لنفس الغرزة
طبعا الباترون المرسوم بيكون عبارة عن مربعات كل مربع يمثل غرزة

الغرزة العدلة
وهى طبعا اساس شغل التريكو 
بيكون رمزها فى معظم الباترونات عبارة عن مربع اسود مصمت



واحيانا بيكون عبارة عن شرطة راسية جوة المربع كالتالى



أما الغرزة المقلوبة
وهى برضه الاساس اللى بيتبنى عليه اى شغل
يعنى التريكو كله اما عدل او مقلوب 
فيكون عبارة عن مربع فاضى



واحيانا بتكون شرطة عرضية داخل المربع



واحيانا تالتة بيكون شكلها كدة



اما اللفة فبيكون رمزها عبارة عن دائرة مفرغة داخل المربع
(اتفقنا ان المربع هو الغرزة)



واحيانا تانية بيكون رمزها عبارة عن حرف U





وطبعا برضه من الغرز الاساسية جدا 
الـ 2 عدل معا
 
اللى بيتعمل بيها التنقيص
 
وغالبا اى لفة بيكون مقابلها 2 عدل معا
 
وبيكون رمزها كدة
 



ومن الغرز الاكثر شيوعا برضه وهى بتكون عكس الـ 2 عدل فى الاتجاه
 
1 سلت – 1 عدل – اقلبى المسلوتة على العدلة
 
(وهى برضه من طرق التنقيص) وعادة بتكون مصاحبة للفة
 
وده رمزها
 



وبما اننا باة بنتكلم عن التنقيص
 
فلسة فيه التنقيص المزدوج 

اللى هو 3 عدل معا
 
وهى لها اكتر من شكل حسب الطريقة اللى بنعمل بيها التنقيص المزدوج
 
خلينا دلوقت نقول تشهرها
 
اللى هى
 
اننا بناخذ الـ 3 غرز على الابرة (يعنى بنغرز الابرة اليمين فيهم كلهم) ونشتغلهم غرزة واحدة عدل معا
 

ودى يتكون زى حرف الـ U المقلوب



اما دى بأة فغرزة الحافة
 
اللى بتتعمل فى بداية ونهاية كل سطر وبتكون دايما عدل بغض النظر عن شغل بقية السطر
 

وهى ليها ميزة كبيرة فى ضبط بدايات ونهايات السطور

وبيكون شكلها زى علامة الـ +
 



طبعا فيه غرز تانية كتير 

لكن خلونا دلوقتى نكتفى بدول عشان ما تتلخبطوش
 
ماشى يا قمرات

ودلوقتى بأة مثال عملى على الباترون المرسوم
 



ده باترون سهل جدا
الارقام اللى على اليمين بتبين عدد سطور الغرزة
يعنى هنا غرزة مكونة من 4 سطور
اللى باين منهم طريقة السطر الاول والسطر الثالث
معنى كدة ان السطور الزوجية بتتعمل كلها زى ما بتبان يعنى العدل عدل والمقلوب مقلوب
واللفة دايما مقلوب

على فكرة دى قواعد ثابتة فى اى باترون

طيب ده بالنسبة لعدد السطور
لمعرفة عدد الغرز نعد المربعات بحيث كل مربع يمثل غرزة
أما السهمين الموجودين دول فبيحددوا تكرار الغرز
مش فى البترون المكتوب بنقول (يكرر ما بين القوسين) او (يكرر حتى نهاية السطر)
هنا بنقول 
يكرر ما بين السهمين

يبقى لما نعد المربعات هنلاقيهم 10 (8 بين السهمين +2)
يعنى نفهم من كدة ان الغرزة تكرار 8 + 2 حافة

طيب يلا باة نترجم السطر الأول
(ما تنسوش كل مربع بيمثل غرزة واحدة)

غرزة حافة ]2 مقلوب – 2 عدل معا – لفة – 2 عدل – 2 مقلوب [ يكرر ما بين القوسين (اللى همة السهمين فى الرسم) وينتهى السطر بـ غرزة حافة

اما السطر الثالث: 
غرزة حافة ]2 مقلوب – 2 عدل – لفة – (1عدل – اسلت – اقلبى المسلوتة على العدلة) – 2 مقلوب [ يكرر ما بين القوسين وينتهى السطر بـ غرزة حافة

طيب والسطور الزوجية 
زى ما اتفقنا
نشتغله حسب ما يظهر 
يعنى العدل عدل والمقلوب مقلوب 
واللفة نشتغلها مقلوب
 
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
باترون التريكو المرسوم , قراءة وفهم باترون التريكو , شرح باترون التريكو بالصور
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سيدي عامر إنفو :: منتديات الكروشيه والخياطة والتطريز والخبرات المنزلية :: الخياطة والتطريز :: منتدى الكروشية مع الباترون دروس و ورشات وتعليم التريكو-
انتقل الى: